Oulu bismagotte bisma Jukka Keskitalo ásaha Tiina Åkerfeldta Soađegili searvegotte girkohearrá virgái sotnabeaivve 7. beaivve čakčamánus Soađegili ođđa girkus diibmu 10 álgi meassus. Dalán meassu maŋŋá lea maiddái boradeapmi buohkaide ja ávvudanboddu Soađegili searvegotte dálus.
– Ođđa girkohearrá virgái ásaheapmi Soađegili searvegoddái ii leat áibbas juohkkebeaivásaš dáhpáhus, go ovddit virgái ásaheamis lea gollan áigi gitta 17 jagi. Virgáiásahanmeassus bismá oktan vehkiinis sivdnida girkohearrá Tiina Åkerfeldta doibmii. Ávvudeapmi oaivvilda, ahte bismá doarju doarju searvegotti ja girkohearrá, muhto maiddái dan, ahte searvegoddi váldá vuostái ođđa girkohearrás. Dát lea maiddái vuosttas geardi, go doaimmahan bismámeassu Soađegili searvegottis, bismá Keskitalo muitala.
– Illudan lassin, ahte meassus gullo maiddái sámegiella. Leahan sápmelaččaid ruovttuguvlui gullán vuohču dehálaš oassi Soađegili searvegottis, Keskitalo joatká.
Ávvudanmeassu doaimmaha bisma Jukka Keskitalo. Virgái ásaheamis veahkehit leanaproavás Tuomo Huusko, girkoráđi várresátnejođiheaddji Viivi Takala ja proavás Matti Suomela, girkohearrádoaimmahaga doaimmahatčálli Eija Aikio ja dáiddaduojár Tuula-maija Magga-Hetta. Girkohearrá Tiina Åkerfeldt sárdnida meassus. Musihkas vástida kántor Tiina Ylimäki. Musihkas veahkeha lávlunjoavku Lumine. Sin lassin mielde leat eará searvegotte bargit ja eaktodáhtolaččat sierra bálvalandoaimmain.
– Vuorddán virgái ásaheami muosálaš ja giitevaš mielain. Leat ráhkkanan ávvubeaivái searvegottis movttegis mielain sierra bargosurggiid gaskka. Sávvat buohkaid liekkusit mielde, vaikke oassi searvegotti lanjain leat dađi bahábut vel divvunbargguid vuolde. Sávan goittotge, ahte soabalašvuohta saji láhčá, Åkerfedt muitala.
Tiina Åkerfeldt lea álggahan barggus Soađegili searvegotte fásta girkohearrán 1.6.2025 rájes. Son lea goittotge dikšon Soađegili girkohearrá virggi sadjásažžan ja virggisdoaibmi girkohearrán jo geasis 2023 rájes. Åkerfldt barggai ovdal Soađegili searvegotti kapellánan. Åkerfeldt páhppakarrieara lea maiddái álgán Soađegilis, go son vihahuvvui Soađegili searvegotti searvegottepástoran 30.5.1993 Helssega duopmogirkus. Dán maŋŋá son gearggai bargat páhppan maiddái Kuopio Kallavesi searvegottis ja Liperi searvegottis ovdal máhccamis Soađegillái.
Govva: Girkohearrá Tiina Åkerfeldt. Govvideaddji Tiina Åkerfeldt.
Lassedieđut:
Soađegili girkohearrá Tiina Åkerfeldt, tiina.akerfeldt@evl.fi, t. 0400 190 384
Bismma teologalaš veahkki Pekka Mustakallio, pekka.mustakallio@evl.fi, t. 040 7490 115