Oulu bismágotti bismá Jukka Keskitalo oktan joavkkuinis dahká bismádárkkistusa Ohcejoga searvegottis 19.-21.4.2024.
– Lea stuorra illu dahkat bismádárkkástusa Ohcejogas, gos lea kirkomet searvegottiin gorálaččat stuorámus sámeálbmot. Sávan searvegotti olbmuid bures boahtán rabas dilálašvuođaide, mat leat guovttegielagat, bismá Keskitalo dadjá.
Bismádárkkistusvahkuloahppa álgá bearjadaga dmu 8.45 rabas háleštallandilálašvuođain ”iđitparlameanttain” Gáregasnjárggas hotealla Guossis. Dmu 11.30 dollojuvvo buohkaide rabas rohkosiin ja borademiin Gáregasnjárgga kapeallas. Bismá Keskitalo galleda maiddái Gáregasnjárgga skuvllas ja ođđa bálvalandálus, man son sivdnida atnui. Bearjadaga veaigin bismá Keskitalo deaivá Ohcejoga gieldda njunnošiid ja galleda báikkálaš idjadanfitnodagas Aurora Holidaysas.
Lávvardaga prográmma čoaggana deaivvademiin Ohcejoga searvegotti bargiiguin ja luohttámušolbmuiguin. Veaigin bismá joavkkuinis gallede Njuorggámis. Skáidejávrri goađis ordnejuvvo rabas dilálašvuohta dmu 14.30 rájes, ja bismá Keskitalo áigot doppe dolvvodit oaggumin.
Bismádárkkástus čohkaluvvá sotnabeaivve 21.4. ávvomessui Ohcejoga kirkus dmu 11. Meassu maŋŋá lea bismádárkkistusa virggálaš oassi, mas bismá joavkkuinis addá cealkámušas Ohcejoga searvegottis. Cealkámuša maŋŋá lea fállojuvvon lunša ja káffe dmu 13.30 rájes Ohcejoga searvegoddedálus. Maiddái sotnabeaivvi dilálašvuođat ja boradeapmi leat rabas buohkaide.
– Vuordit ahte bismá beassá deaivat Ohcejoga searvegotti olbmuid ja sávvat, ahte beassat eakti vugiin buktit ovdan searvegoddámet ja dan duohta dili, Ohcejoga searvegotti diakoniijabargi Riikkaliisa Joentausta muitala.
– Eallit Ohcejogas áidnalunddot diliin, sadjásaš kirkohearrá Anu Sorjonen lasiha.
Sotnabeaivvi bismámeassu ja bismá cealkámuša sáhttá čuovvut streama bokte Ohcejoga searvegotti Facebook-siidduin.
Bismádárkkistus lea čuđiid jagiid boares kirkolaš vuohki, man mielde bismá galleda jeavddalaš gaskkaid bismágottis searvegottiin. Dárkkistus deaivá searvegotti bokte badjelaš logi jagi gaskkaid. Ohcejoga searvegotti ovddit dárkkistus lei jagi 2013. Bismádárkkistus lea ollislašvuođastis sulaid jagi guhkkosaš proseassa, váikke aitosaš bismá galledeapmi searvegottis ordnejuvvo ovtta vahkuloahpa áigge. Ođasmuvvan bismádárkkistusproseassa čoahkkana boahttevuođa oidnosiidda ja searvegotti barggu doarjumii.
Govva: Ohcejoga kirku. Ohcejoga searvegotti arkiiva.
Lassidieđut:
Oulun bismágotti páhppaassessor Mirva Ahola, mirva.ahola@evl.fi, t. 0400 714 503
Ohcejoga searvegotti sadjásaš kirkohearrá Anu Sorjonen, anu.sorjonen@evl.fi, t. 0400 392 224